Rusiya prezidenti Vladimir Putin UFC çempionu Həbib Nurməhəmmədovla görüşüb.
Modern.az Rusiya mediasına istinadən xəbər verir ki, görüş Mahaçqala şəhərində gerçəkləşib. Görüşdə Dağıstanın başçısı Vladimir Vasilyev və Həbibin atası Əbdülmanap Nurməhəmmədov də iştirak edib. Qələbə münasibəti ilə Həbibi təbrik edən Putin Əbdülmanap Nurməhəmmədova da təbriklərini çatdırıb:
“Oğlunuzun qələbəsi münasibətilə sizi təbrik edirəm. Əsl ona layiq, güclü döyüş idi”.
Qeyd edək ki, Həbib sentyabrın 7-də Əbu-Dabidə amerikalı Dastin Puaryeyə qalib gələrək növbəti dəfə çempion titulunu qoruyub.
