Neft məhsullarının istehsalı sahəsində istehsalın ümumi dəyəri 2544,8 milyon manat olmaqla əvvəlki ilin yanvar-oktyabr ayları ilə müqayisədə 4,8 faiz azalıb.
Bu barədə Dövlət Statistika Komitəsindən (DSK) Modern.az-a verilən məlumatda bildirilib.
Qeyd olunub ki, neft məhsullarından avtomobil benzininin, sürtkü yağlarının, neft bitimunun, ağ neftin, neft koksunun istehsalı azalmış, yanacaq mazutunun, dizel yanacağının, neft-kimya sənayesində istifadə üçün benzinin istehsalı artıb.
Rəsmi məlumata görə, 2019-cu ilin yanvar-sentyabr aylarında ölkədə 1039,1 min ton dizel yanacağı, 1004,8 min ton avtomobil benzini, 296,2 min ton aviasiya üçün ağ neft, 196,3 min ton neft-kimya sənayesində istifadə üçün benzin, 175,0 min ton neft bitumu, 136,2 min ton maye qaz, 39,2 min ton sürtkü yağları istehlak edilib.
Neft məhsullarının istehsalı sahəsində
əsas məhsul növlərinin buraxılışı Məhsul növləri | 2019-cu ilin yanvar-oktyabr aylarında istehsal edilib | Əvvəlki ilin müvafiq dövrünə nisbətən, faizlə | 01.11.2019-cu il vəziyyətinə hazır məhsul ehtiyatı |
Avtomobil benzini, min ton | 947,6 | 93,9 | 14,3 |
Neft-kimya sənayesində istifadə üçün benzin, min ton | 203,3 | 119,4 | - |
Ağ neft, min ton | 490,8 | 96,8 | 48,8 |
Dizel yanacağı, min ton | 1714,0 | 106,1 | 74,4 |
Yanacaq mazutu, min ton | 98,9 | 133,8 | 6,6 |
Sürtkü yağları, min ton | 18,9 | 17,0 | 10,8 |
Neft bitumu, min ton | 205,4 | 83,1 | 12,6 |
Neft koksu, min ton | 198,3 | 96,4 | 15,3 |