Hazırda Türkiyə millisində çıxış edən, Türk millisinin qızıl medal qazanan ilk atleti, əslən azərbaycanlı Ramil Quliyev işğalçı Ermənistan ordusunun Azərbaycanın cəbhə xətti boyunca yerləşən mövqelərinə, mülki obyektlərə və mülki şəxslərə qarşı növbəti təxribatına etiraz olaraq video paylaşıb.
Modern.az xəbər verir ki, videoda deyilir:
“Biz azərbaycanlılar 30 ildir ki, torpaqlarımızın geri qaytarılması həsrəti ilə yaşayırıq. İndi isə ən təbii özünümüdafiə haqqımızdan istifadə edərək torpaqlarımızı işğaldan azad etməliyik. Bu, haqq mübarizəsidir. Bu yol haqq yoludur. İnanıram ki, yolun sonunda ölkəmiz zəfər qazanacaq”.
Daha sonra isə o əlavə edib: “"Qarabağ bizimdir, Qarabağ Azərbaycandır. Bir bədəndə iki can, yaşasın Türkiyə - Azərbaycan”
