“İkinci Qarabağ Savaşında Ermənistanın Müdafiə Nazirliyi yaydığı videolarda musiqi müşayiəti qismində bir əsərdən istifadə edirdi. Həmin videolara baxanlar yəqin ki, müsiqini xatırlayırlar.
İş ondadır ki, Ermənistanın Müdafiə Nazirliyinin nəzdindəki "Zinuzh Media"nın hazırladığı videolarda istifadə etdiyi o musiqi ingilis bəstəkarlar Nik İnqmanın və Terri Devayn-Kinqin 2009-cu ildə bəstələdikləri "Death Star" saundtrekidir”.
Modern.az xəbər verir ki, bunu tanınmış jurnalist Elçin Alıoğlu bildirib. O qeyd edib ki, ermənilər burada da oğurluğa əl atıblar:
“Onlar həmin əsərdən istifadə edərkən müəllif hüquqlarını kobud şəkildə pozublar”.
Elçin Alıoğlu bununla bağlı olaraq Böyük Britaniyanın İntellektual Mülkiyyət Ofisinə (UK Intellectual Property Office), habelə Mədəniyyət, Media və İdman Departamentinə (Department of Culture, Media and Sport) məktub yolladığını deyib:
“Səbəb – ermənilərin Britaniyadakı mövcud "The Registered Designs Act", "The Patents Act", "The Copyright, Designs and Patents Act" və "The Trade Marks Act" qanunlarını kobud şəkildə pozmalarıdır”.
