Böyük Quruluş Partiyasının (BQP) başqanı, millət vəkili Fazil Mustafa hüquq-mühafizə orqanlarına müraciət edəcək.
BQP mətbuat xidmətindən Modern.az-a verilən məlumata görə, F.Mustafa müraciətində Müsavat Partiyasının gənc fəalı Nigar Yaqublunu zaminə götürmək istəyini nəzərə çatdıracaq.
Millət vəkili qeyd edib ki, Cinayət Məcəlləsinin 263.2-ci (Ehtiyatsızlıqdan zərərçəkmiş şəxsin ölümünə səbəb olan yol hərəkəti və nəqliyyat vasitələrinin istismarı qaydalarını pozma) maddəsi ilə təqsirləndirilərək həbs edilən N.Yaqublu barəsində obyektiv istintaq aparılacağına ümid edir:
“Amma düşünürəm ki, istintaq müddətində gənc bir xanımın barəsində həbs-qətimkan tədbirinin seçilməsi mentalitetimizə ziddir. Bu səbəbdən hüquq-mühafizə orqanlarından Nigar Yaqublu barəsində qətimkan tədbirinin dəyişdirilməsini xahiş edəcəyəm”.
Modern.az