Modern.az saytının məlumatına görə, təhsil naziri Misir Mərdanov bu gün "2012-2013-cü tədris ilində müəllimlərin işə qəbulunun nəticələri"nə dair kollegiya iclası keçirib.
Misir Mərdanov bildirib ki, 2012-2013-cü tədris ili üzrə ümumtəhsil müəssisələrində 3270 vakant yer müəyyənləşdirilib. Vakant yerlərin 293-ü Bakı şəhərində, 2977-si respublikanın digər rayon və şəhərlərindəki orta məktəblərdə müəyyənləşdirilib.
Nazir iclasın gedişində bəzi rayon Təhsil şöbələrinin müdirlərini orta məktəblərin direktorlarını vakant iş yerlərini gizlətməkdə günahlandırıb.
"Çox təəssüf ki, müəllimlərin işə qəbulu ilə bağlı yerlərdən aldığımız məlumatlar həqiqətləri əks etdirmir. Bəzi məktəb direktorları və rayon Təhsil şöbələri hələ də gizli vakant yerlər saxlamaqla məşğuldurlar".
Mail Ağaxanov