İkinci Dünya Müharibəsi illərində Böyük Britaniyanın baş naziri olmuş Uinston Çörçilin nəvəsi vəfat edib. Modern.az xarici mətbuata istinadən xəbər verir ki, babasının adını daşıyan 69 yaşlı kiçik-Uinston Çörçil xərçəngdən dünyasını dəyişib. Nəvə Çörçil 1960-cı illərdə jurnalist işləyib, 1970-1997-ci illərdə mühafizəkarlar partiyasından ölkə parlamentində deputat olub. O, nümayəndələr palatasına Mançesterin iki dairəsindən seçilib. Böyuk siyasəti tərk edikdən sonra Çörçil Britaniya müdafiə assosiyasının prezidenti olub. İctimai təşkilat ölkənin silahl qüvvələrinə dəstəklə məşğul olub. 1995-ci ildə o, əfsanəvi babasının bütün arxivlərini dövlətə satıb. 12,5 milyon funt sterlinqə satılmış sənədlər hazırda Kembric Universitetində Çörçiin adını daşıyan arxvidə saxlanılır.
Sənədlər arasında Çörçilin Stalinə, Ruzveltə yazdığı məktublar, Britaniya Nazirlər Kabinetinin məktubları var.
