“Ədalətli Rusiya” partiyasından ayrılan deputatlar, ərlə-arvad İvan Qraçov və Oksana Dmitriyeva Moskvada keçirilən qurultayda “Professionalların partiyası”nı təsis ediblər. Modern.az-ın Rusiya KİV-nə istinadən verdiyi xəbərə görə, partiyaya Olqa Şirokovsa rəhbərlik edəcək. Buna səbəb yeni siyasi qurumu yaradan deputatların qanuna görə digər partiyanın üzvü ola bilməməsidir.
Yeni partiyanın yaradılmasında Dövlət Dumasının “Ədalətli Rusiya”dan olan deputatlar Andrey Krutov, Dmitri Uşakov, Natalya Petuxova da iştirak edib.
Yeni parrtiya “Milli təhlükəsizlik partiyası” ilə koalisiyaya getmək niyyətindədir. Hər iki partiya builki regional, 2016-cı ildə isə Dövlət Dumasına keçiriləcək seçkilərdə əməkdaşlıq etməyi planlaşdırır.
Modern.az
