Amerikanın tanınmış aktyoru Corc Kennedi 91 yaşında vəfat edib.
Modern. az xarici KİV-nə istinadən xəbər verir ki, aktyorun nəvəsi Corc Şenkel açıqlamasında babasının bu gün öldüyünü deyib.
“Babam gözəl həyat yaşayıb və bundan sonra onun ruhu rahatlıq tapacaq“- deyə nəvə Corc Şenkel bildirib.
Aktoyrun nəvəsi qeyd edib ki, babası Corc Kennedi həyat yoldaşını bir il bundan öncə itirdikdən sonra vəziyyəti daha da pisləşib və o gündən xəstəxanada qalırmış.
Mərhum aktyor 1968-ci ildə çəkildiyi “Barmaqlıqlar arasında” filminə görə ilin ən yaxşı köməkçi kişi aktyoru nominasiyasına layiq görülüb.
Corc Kennedi ona uğur gətirən 1974-cü ildə “ Zəlzələ ” və 1975-ci ildə isə “ Hava limanı ” filmlərinə də çəkilib.
Mərhum aktyor son dəfə 2014-cü ildə məşhur “Qumarbaz ” filmində rol almışdı.
Qeyd edək ki, Corc Kennedi 1925-ci ildə Nyu-Yorkda aktyor ailəsində dünyaya gəlib. Aktyorun atası musiqiçi, anası isə rəqqas olub. 1950-ci ildən kinoya gələn aktyor "Oskar " mükafatının sahibi olub.
Ağa AKİFOĞLU