Azərbaycan Yazıçılar Birliyinin sonuncu qurultayından sonra təsis edilən qəbul komissiyasının iclası oktyabrın sonu baş tuta bilər.
Bu barədə Modern.az saytına birliyin mətbuat xidmətinin rəhbəri Xəyal Rza məlumat verib. Onun sözlərinə görə, qəbul komissiyasının sədri xalq şairi Fikrət Qoca 80 illik yubiley münasibətilə Moskvaya gedəcəyindən iclas noyabrın əvvəllərinə saxlanıla bilər. Ən gec halda da o zaman komissiyanın yekun iclası keçiriləcək.
Qeyd edək ki, iclasda AYB-yə təqdim olunan sənədlər əsasında yeni üzvlər müəyyən ediləcək.
Elmin NURİ
