Լատվիայում արգելվել է Հայաստանից ներկրված կանաչ թեյի խմբաքանակի ներմուծումը երկիր։ Դրա պատճառը ապրանքի մեջ Եվրոպական միությունում արգելված պեստիցիդի հայտնաբերումն է։
Modern.az-ը հայտնում է, որ այս մասին տեղեկություն են տարածել տեղական լրատվամիջոցները։
Լատվիայի Սննդի և անասնաբուժության ծառայության կողմից իրականացված ստուգման ժամանակ 57,6 կիլոգրամ քաշով թեյի խմբաքանակում հայտնաբերվել են տոլֆենպիրադ պեստիցիդի մնացորդներ։ Այս նյութի օգտագործումը Եվրոպական միությունում թույլատրված չէ։
Լաբորատոր վերլուծությունները ցույց են տվել նաև, որ երկու այլ պեստիցիդների՝ լամբդա-սիգալոտրինի և թիամետոքսամի քանակը գերազանցել է թույլատրելի սահմանը։
Գերատեսչության տվյալներով՝ ապրանքները պետք է ոչնչացվեն կամ ուղարկվեն Եվրոպական միությանը չպատկանող երկիր։
Նշենք, որ Ռուսաստանի կողմից հայկական գյուղատնտեսական ապրանքների մատակարարումների վրա սահմանված սահմանափակումներից հետո Երևանը փորձել է արտահանման մի մասն ուղղել Եվրոպական միության երկրներ։ Այդ նպատակով Հայաստանը Բրյուսելից տասնյակ միլիոնավոր եվրոյի միջոցներ է ստացել։
