“Sentyabrın 8-də Türkiyəyə yollanacam. Yollanmağımın səbəbi müayinədən keçməyimlə bağlıdır. Növbəti müayinədən sonra səhhətimlə bağlı nəsə demək olar” .
Bunu Modern.az-a açıqlamasında xalq artisti, tanınmış diktor Rafiq Hüseynov səhhəti lə bağlı danışarkən deyib.
Xalq artisti ağır xəstəliklə mübarizə aparmağına baxmayaraq, normal olduğunu deyir.
“Onsuz da bu xəstəliyin müalicəci yoxdur. Həm də, bu yaşda insan səhhətində o qədər xəstəlik olur ki! Təkcə xərçəng deyil ki! Amma, ümumilikdə deyə bilərəm ki, babatam. Özüm üçün gəzirəm, yeyirəm, içirəm. Dostlarla vaxtaşırı görüşürəm. Əsas odur ki, hələlik normalam”.
Qeyd edək ki, xalq artisti Rafiq Hüseynov uzun müddətdir ki, ağ ciyər xərçəngindən əziyyət çəkir.
Namidə BİNGÖL
