Rusiyada internetdə qeyri-qanuni məzmunu tez bir zamanda bloklamağa imkan verən qanunvericilik təşəbbüsü hazırlanıb.
Modern.az TASS-a istinadən xəbər verir ki, təşəbbüsü həyata keçirmək üçün xüsusi proqramdan istifadə planlaşdırılır.
“Biz xüsusi informasiya sistemindən istifadə etməklə zərərli saytların bloklanmasının operativ həllini tənzimləyən qanun layihəsini birgə hazırlamışıq”, - deyə Baş Prokurorluqdan bildirilib.
Qeyd edilib ki, 2023-cü ildə məzmunun məhkəmədən kənar məhdudlaşdırılması üçün "Roskomnadzor"a 2 mindən çox sorğu göndərilib. Tələblərin əksəriyyəti Rusiya ordusu ilə bağlı məlumatlarla əlaqədar olub.
2023-cü ildə "Roskomnadzor "qadağan olunmuş məlumatların reyestrinə 529 min səhifə əlavə edib.