İran 49 min uşaq dövlət tərəfindən tanınmır. Modern.az “Qafqazinfo”ya istinadən xəbər verir ki, buna səbəb həmin uşaqların atalarının İran vətəndaşı olmamasıdır. Əmək və sosial təminat nazirinin müavini Əhməd Meyderi Tehranda keçirilən konqresdə çıxışı zamanı 49 min uşağın təhsil və tibbi ehtiyaclarının hökumət tərəfindən ödənilmədiyini bildirib. Bunun üçün o, uşaqların vətəndaşlığının atadan yox, anadan almalarını nəzərdə tutan qanun layihəsi üzərində çalışdıqlarını söyləyib.

Qeyd edək ki, 49 min rəsmi rəqəmdir. Qeyr-rəsmi məlumata görə, vətəndaşlıq verilməyən uşaqların sayı 150 min-1 milyon arasında dəyişir.