Prezident Mixail Saakaşvili Gürcüstan ərazisində NATO bazasının yaradılması barədə Şimali Atlantika blokuna təklif ünvanlayıb. Modern.az Rusiya mətbuatına istinadən xəbər verir ki, Saakaşvili Əfqanıstanda Taliban hərəkatına qarşı mübarizədə Gürcüstan ərazisindən NATO-nun istifadəsinə razılıq verib. Saakaşvili ölkəsinin dəniz limanlarını da Şimali Atlantika bloku hərbi gəmilərinin istifadəsinə verməyə hazır olduğunu bildirib. NATO hərbi-nəqliyyat təyyarləri də Gürcüstanda hərbi-texniki yoxlamadan keçə və yanacaq doldura bilərlər.
Pentaqonda bildrirlər ki, prezident Saakaşvilinin təklifi barədə məlumatlıdırlar, lakin bu təklif hələlik ətraflı öyrənilməyib.
