Azərbaycanda pensiya yaşının azaldılması təklif edilir.
Modern.az-ın məlumatına görə, bu təkliflə deputat Əli Məsimli parlamentin bu gün keçirilən iclasında çıxış edib.
Ə. Məsimli bildirib ki, "inkişaf etmiş ölkələrdə insanlar pensiya yaşına çıxdıqdan sonra həyatlarının romantik dövrü başlayır:
"Lakin Azərbaycanda insanlar pensiyaya çıxdıqdan sonra həyatlarının məşəqqətli dövrü başlayır".
Deputatın sözlərinə görə, orta ömür uzunluğu Azərbaycandan çox olan ölkələrdə kişilərin pensiya yaşı 63, qadınların pensiya yaşı isə 60-dır:
“Azərbaycanda da pensiya yaşının azaldılması vacibdir. Qadınların pensiya yaşının 65-ə çatdırılması dayandırılmalıdır”.
Qeyd edək ki, 1 iyul 2021 – 30 iyun 2022-ci il tarixində kişilərin pensiya yaşı 65 il, qadınlar üzrə 62 il 6 ay olacaq.