Bu gün Türkiyə Respublikasının qurulmasının 100 illiyidir.
Xatırladaq ki, 1923-ci il oktyabrın 29-da Türkiyə Böyük Millət Məclisi Cümhuriyyəti elan edib.
Türkiyə Cümhuriyyətinin yaradılması Birinci Dünya müharibəsindən sonra Osmanlı dövlətini parçalayıb məhv etmək istəyənlər üzərində qələbənin nəticəsidir.
Hazırda Türkiyə Cümhuriyyətinin ərazisi 783 min kv. km, əhalisi isə 86 milyondan çoxdur.
Bu gün Cümhuriyyət Bayramı münasibətiylə ölkənin dörd bir yanında küçələr, ticarət mərkəzləri, yaşayış binaları və s. bayraqlarla bəzədilib, dövlət əhəmiyyətli bir çox tədbir keçirilib.
Modern.az Türkiyədən həmin rəngli görüntüləri təqdim edir.
