“NİDA” Vətəndaş Hərəkatının həbsdəki üzvləri Bakı Ağır Cinayətlər Məhkəməsinə gətiriliblər. Bu barədə Modern.az-a “NİDA”çı gənclərin vəkili Xalid Bağırov məlumat verib. O, bildirib ki, hərəkat üzvləri məhkəmə protokolları ilə tanışlıq məqsədilə Bakı Ağır Cinayətlər Məhkəməsinə gətiriliblər:
“Onlar protokollarla tanış olandan sonra yenidən istintaq təcridxanasına aparılacaqlar”.
Qeyd edək ki, “NİDA” vətəndaş hərəkatının həbs olunmuş üzvləri barəsində hökm elan edilib. Həmin hökmə görə, Şahin Novruzlu 6 il, Məhəmməd Əzizov və Rəşad Həsənov hər biri 7 il 6 ay, Bəxtiyar Quliyev və Üzeyir Məmmədli hər biri 7 il,
Rəşadət Axundov, İlkin Rüstəmzadə və Zaur Qurbanlı hərəsi 8 il azadlıqdan məhrum olunublar.
Gültəkin ƏLƏSGƏR
