Azərbaycanı Prezident İlham Əliyevin rəhbərliyi ilə əldə etdiyi nəaliyyətlər münasibətilə təbrik edirəm. İnanıram ki, Asiya Parlament Assambleyası Azərbaycanın sədrliyi ilə uğurlar qazanacaq. Bu işdə Özbəkistan hər zaman dəstəyini verməyə hazırdır.
Modern.az xəbər verir ki, bunu Özbəkistan Ali Məclisinin Senat sədrinin birinci müavini Sodiq Safoev Bakıda keçirilən Asiya Parlament Assambleyasının (APA) 14-cü plenar sessiyasında deyib.
O bildirib ki, bu gün dünyada çox düşündürücü, mühim məsələlər baş verir. Bütün regionlarda baş verən məsələlərin öhdəsindən gəlmək üçün parlament nümayəndələrinin üzərinə böyük öhdəlik düşür.
