Oktyabrın 14-də İstanbulda “Böyük İpək Yolu” təşkilatının tədbiri keçiriləcək. Bu barədə Modern.az saytına qurumun rəhbəri, millət vəkili Fuad Muradov məlumat verib. O qeyd edib ki, iclasda “Böyük İpək Yolu” layihələrinin təsdiqlənəcəyi gözlənilir.
“Eyni zamanda gələn ilin iş planı da müzakirə olunacaq, struktur təsdiqlənəcək, ayrı-ayrı ölkələrdə nümayəndəliklərin yaranması məsələsi müzakirə olunacaq. Səfər zamanı Türkiyədə gənclərlə bağlı fəaliyyət göstərən dövlət qurumlarının nümayəndələri ilə də görüş keçiriləcək”.
Modern.az
