“Düşünürəm ki, bizim ən vacib istiqamətlərimizdən biri də mövcud olan elmi potensialla ali təhsil müəssisələrimizin reytinqlərini əlaqələndirməkdir”.

Modern.az xəbər verir ki, bunu elm və təhsil naziri Emin Əmrullayev REAL TV-yə müsahibəsində deyib.

O bildirib ki, yaxın aylarda yeni reytinqlər açıqlanacaq. “Bizim məqsədimiz hansısa bir ali təhsil müəssisəsini sıçrayışla irəli aparmaq deyil. Bir neçə ali təhsil müəssisəsini qlobal reytinqlərdə görmək istəyirik. 5-6 ali təhsil müəssisəsinin müəyyən mənada bu imkanları var. Onlar qlobal reytinqlərə düşdükdən sonra biz bu sayı 7-8-ə çatdıracağıq. Bir universitetin reytinqinin formalaşması üçün 5 il vaxt lazımdır. Biz bu işi faktiki olaraq 1 ildir ki, görürük. Bu il görəcəyimiz nəticə 1 ildə gördüyümüz işin nəticəsi olacaq. Hələ qarşıda 4 il də irəliyə getmək üçün ciddi potensialımız olacaq. Əgər buna nail ola biləriksə, ilk olaraq tarixi universitetlərimizin dünyanın ən yaxşı 800-lüyünə düşməsini hədəfləyirik”.