Isroil Bosh vaziri Benyamin Netanyahu boʻlajak parlament saylovlarining asosiy mavzusi Eron, “Hizbulloh” va HAMASga qarshi kurashni yakunlash ekanligini maʼlum qildi.
Modern.az xabar berishicha, Netanyahu bu haqda oʻz nutqida gapirgan.
“Bu saylovning asosiy savoli shuki: biz boshlagan ishni kim yakuniga yetkazadi? Erondagi bu rejimga kim butunlay chek qoʻyadi? “Hizbulloh”ga kim butunlay chek qoʻyadi? HAMASga kim butunlay chek qoʻyadi?” – dedi Isroil Bosh vaziri.
Netanyahu siyosiy raqiblarini tashqi bosimlar ostida chekinishda ham aybladi.
“Amerika ularga “yoʻq” deganda, ular darhol chekinishadi. Ular buni qiladimi? Yoʻq. Qilmaydi. Buni biz qilamiz”, – dedi Bosh vazir.
Netanyahuning bayonoti Isroilda 2026-yil 27-oktabrda boʻlib oʻtadigan parlament saylovlari arafasida yangradi. Isroil hukmron koalitsiyasi saylovlar shu sanada oʻtkazilishini iyul oyida eʼlon qilgan edi.
Eron masalasi saylov kampaniyasining asosiy xavfsizlik mavzularidan biriga aylandi. Netanyahu avgust oyi oxirida ham Eron ustidan gʻalaba HAMAS va “Hizbulloh”ni yoʻq qilishga olib kelishi mumkinligini aytgan edi.
Qayd etish joizki, soʻnggi soʻrovlar va siyosiy jarayonlar fonida Netanyahu saylov oldidan oʻng qanot lagerida ovozlarning boʻlinishini oldini olishga harakat qilmoqda. Kichik oʻng qanot partiyalarning alohida saylovda ishtirok etishi uning boshchiligidagi blokning parlamentda koʻpchilikni qoʻlga kiritishini qiyinlashtirishi mumkin.
