08Sentyabr | Ana Səhifə - Yazılar - Ölən sevgimizin Bakısı
Ölən sevgimizin Bakısı

Vəfa Allahverdiyeva   


Böyük çoxluğun ölkə kənarında və Bakı xaricində yay istirahəti başa çatır, demək olar.  

Aylarla pul toplayıb gözəl yerlərdə yaxşıca tətil edirsən, Bakıya qayıdan kimi, pozitiv enerji burnundan gəlir.

Çünki qoyub getdiyin kimidir, hər şey.

Maşın səs-küyü...İnsan hay-həşiri... Mənbəyi yerli və gəlmə olan toz-duman... Nəqliyyat sıxlığı...Havanı geri itələyən, hündürlüyü qorxulu binalar...Zəhlətökən pis külək.       
  

Bakının zibili səhərə kimi daşınıb qurtarmır vallah.

Zibil maşınlarının şirin yuxunu pozan gurultusundan bəlli. Hündürmərtəbəli binaların pəncərəsi açılmır, inan! Sərt küləyə təslim olur acizlikdən, çünki.

Gəl yat görüm, qapı-pəncərəsi açılmayan mənzilin boğanağında necə yatırsan.

Səhər-səhər yollarda, avtobuslarda hamının üzündən yağan zəhrimarın bir səbəbi də niyə bu olmasın ki.  Bakı başdan-başa yuxusuzluq, əsəb gətirən bir şəhərə çevrilib...    

...Bəlkə çox az adam tapmaq olar desin ki, Bakı ilə bağlı əsla,  xəyallar qurmayıb.  Şəxsi planları, perspektiv üçün buraya can atmayıb heç.

Ədəbi-bədii mühiti hər daim qaynayan, mədəniyyət, ədəb, paklıq, hüzur simvolu daşıyan,   elit təbəqəsi, aktiv siyasi aləmi,  olan  Bakıya kim can atmazdı ki!

Bakı ölüm xəyallarında belə arzunun özü idi;

Dəfn niyyətində  baş kəlmədir  hər daim.    
 

Həyatının bütün gözəl dövrlərini Qərb aləmində yaşayan, sağlığında beş dəfə ayağı vətən torpağına dəyməyən, populyar elmi persona Lütfi Zadənin əbədi yuxusu da elə bu günlərdə Bakıya vəsiyyət edilib. Vətən anlayışının, sevimli paytaxtın cazibəsi, ehtişamı bax budur!

Amma zaman irəlilədikcə, Bakıya canatmada yalnızca ölüm arzuları dəyişilməz qalır; cazibə dar və qaranlıq məzar üçün qüvvəsini saxlayır;

Adlı-sanlı bu paytaxtda  yaşamaq, karyera qurmaq xəyallarınınsa taqəti zəifləyir.  Yaşamaq, hətta bitməyən bir əzaba çevrilir. 
   

Nə qədər ki ayağını Bakıdan kənara qoymursan, elə bilirsən, hər yer paytaxt kimi tünlük,  bezdirici, boğucu və əzablıdır. Qırağa çıxdınmı-təkcə təbiət dinclik gətirmir beynə.

Sakit əyalət...elə bil ölüm səssizliyi var bu mühitdə.

İnsanların əsəbləri yerində... Sanki onlar ayrı irqdir, sən ayrı irq. Sanki onlar toxdur, Bakıdakı camaat ac. Halbuki şəhərin dəbdəbəsində əyalət o qədər solğundur ki...

Bakı gözdən düşür, əlinə keçən bu müqayisədə. Bakıya sevgi ölür. Yaşadığımız yer zahirən gözəl olsa da, yer deyilmiş, qətiyyən. Baş götürüb qaçmaq istəyirsən.

İndi əyalət xəyalların özüdür. Karyera arzularını da oraya daşımaq düşüncəsi var zehində.

Çünki müasir memarlıq Bakının  fizinomiyasını deyil, ruhunu da məhv edib.

Əyri-üyrü, vəhşi, xaotik arxitekturada insanlar doğrudan da, qəfəsə salınmış kimi yaşayır. 

İnşaata ciddi nəzarətin başlandığı köhnə xəbərləri Yasamalın mərkəzi hissəsində bir-birinə pərçimlənmiş 20-22 mərtəbəli şıdırğı tikintisi gedən binalar elə gözəl yalanlayır ki...Üzərində vətəndaş nəhləti olan, nəfəsliyi tıxayan yanlış tikintidən inanma, kimsə bir xeyir tapa bilə!  

Bakını tək Hacıbala Abutalıbov bədbəxt etsəydi, problemin kökünü bir fərman-sərəncamla həll etmək olardı. İş ondadır ki, idarəetmədə bir çox məsul “kreslo”lar Bakıya düzgün proyekt cıza, sağlam mühit hazırlaya, gözəl ənənələr biçə bilmədilər. Ya tamah, ya çatışmayan gözəl fantaziya, yetərsiz düşüncə ucbatından...  Bakını bədbəxt etdilər.

Bu qədər insan Bakının fiziki ölçülərinə tərs-mütənasib ola-ola, bütün əyaləti bu darlığa sıxlaşdırmaqla, Bakının fəlakətinə pozulması müşkül təməl atdılar. İqtisadçı ağılsızlığı... Tənha qalmış torpağa indi qayıdış həvəssizliyinin bəlası da elə burda axtarılmalıdır.  

Paytaxtın fiziki xəritəsi müasirliyin, əzəmətin təntənəsidir, düzdür.

Amma əgər cəmiyyət tünlüklə çoxalan cinayətlər, beyni deşən səs-küy ucbatından psixoloji əlilə çevrilirsə, sağlam ruhunu itirirsə, mənəvi zövq tapa bilmir, fiziki xəstəliklər içində qıvrılırsa, hava limanındaca insan səs-küyünə, vəhşi binaların arasına  qayıtmağa üzü kədər alırsa, dağları, dərələri arxada buraxan ailə maşınındaca qüssələnirsə, paytaxtın ağızdolu  dəbdəbəsi sadəcə,  qızıl teştə qan qusmaq deməkdir.   

Səhərlər suçiləyən maşınlarla yuyulan əski Bakının bugünkü toz-dumanını yatıran texnikaya pulumuz çatmır, deyəsən. Necə layiqli ironiya!..   

Bu qədər tikinti, bu qədər insan Bakının yükü deyil, əlbət.  Bu yük altında təkcə o, özü bədbəxt olmur, həm də ziyalısını, məmurunu, bütövlükdə ölkənin gələcəyi olan insanı məhv edir.  

Bakının dərdi Qarabağın dərdi qədərdir ki, ondan az deyil.

Onun da çözüm masalarına ciddi ehtiyacı var. O masalara ki, Bakının inzibati yükü, insan yükü, ekoloji yükü, elmi yükü Azərbaycanın üç bölgəsində paytaxt infrastrukturu qurulmasına verilən qəti, prinsipial qərarlarla azaldılsın.

Əyalətlər də qaynasın ki, Bakı azalan rolu, boşalan çiyinləri  ilə rahat nəfəs ala bilsin. Bakıdakı insan diriykən ölü məzarlığı yaratmasın-ən vacibi!..

 

MÜƏLLİFİN DİGƏR YAZILARI
Bakıda İran Ticarət Mərkəzi  açıldı 19 Aprel 2019, 20:18 İstanbulda Qaşıqçının ölümündə şübhəli bilinən cəsus saxlanıldı 19 Aprel 2019, 20:06 Son illər rus bölməsində təhsil alan şagirdlərin sayı  dəyişməz qalıb - Təhsil Naziri 19 Aprel 2019, 19:58 Bakıda kişi ona ərə getmək istəməyən qadını öldürüb - TƏFƏRRÜAT 19 Aprel 2019, 19:49 “Elinanın ölümü bizim üçün sarsıdıcı oldu - Ceyhun Bayramov 19 Aprel 2019, 19:40 Vyetnamın Baş naziri OANA İcraiyyə Komitəsi iclasının bir qrup iştirakçısını qəbul edib - FOTO   19 Aprel 2019, 19:32 Tənqidlər konstruktiv olarsa biz məsələni daha tez həll edə bilərik - NAZİR 19 Aprel 2019, 19:23 Polis 3 il əvvəl törədilən qətlin üstü açdı 19 Aprel 2019, 19:14 Vüqar Rəhimzadə: Antiazərbaycan qüvvələrin çirkin kampaniyasına tutarlı cavab ölkəmizin uğurlu inkişafıdır   19 Aprel 2019, 19:05 Şəmkirdə ağır yol qəzası: 1 ölü, 3 yaralı var   19 Aprel 2019, 18:58 Xüsusi qabiliyyət tələb edən ixtisaslar üçün müsabiqə şərtləri AÇIQLANDI   19 Aprel 2019, 18:49 Ramil Usubov 372 nəfəri işə götürdü   19 Aprel 2019, 18:40 İnam Kərimov Zaqatalada vətəndaşları qəbul edəcək 19 Aprel 2019, 18:31 Külli miqdarda narkotik vasitə dövriyyədən çıxarılıb   19 Aprel 2019, 18:23 İstirahət günlərinin HAVASI: Yağış, qar yağacaq   19 Aprel 2019, 18:15 Problemli krediti olanlar kompensasiyaları bu ŞƏRTLƏRLƏ alacaqlar 19 Aprel 2019, 18:07 Deputat “Komandir”in təqdimatında Qarabağ naminə birliyə ÇAĞIRDI 19 Aprel 2019, 17:54 Jiru “Çelsi”nin tarxinə adını yazdırdı 19 Aprel 2019, 17:50 ABŞ-a işləyən 300 nəfərlik casus şəbəkəsi çökdürüldü 19 Aprel 2019, 17:42 Beynəlxalq Münasibətlərin Təhlili Mərkəzinin ilkin nizamnamə fondu - 100 min manat 19 Aprel 2019, 17:40 Problemli kreditləri olan vətəndaşlara kompensasiya ödənişi başladı - RƏSMİ 19 Aprel 2019, 17:38 Citibank nümayəndəsi UNEC-də təqdimat etdi   19 Aprel 2019, 17:37 Elmi konfrans “Heydər Əliyev və müasir Azərbaycan təhsili” 19 Aprel 2019, 17:35 İmamoğlu Ərdoğanla görüşündən danışdı: “O məni təbrik etdi, mən də onu” 19 Aprel 2019, 17:30 Manatın üç günlük MƏZƏNNƏSİ 19 Aprel 2019, 17:29 İstirahət günlərində səyahətə çıxanlar üçün hava PROQNOZU 19 Aprel 2019, 17:29 Azərbaycan hərbçiləri NATO-nun təlimində iştirak edib 19 Aprel 2019, 17:10 Leyla Əliyeva sağlamlıq imkanlarından məhdud gənclərin sərgisinə gəldi 19 Aprel 2019, 16:42 Beynəlxalq Münasibətlərin Təhlili Mərkəzinin işi barədə Fərman verildi 19 Aprel 2019, 16:35 Prezidentdən sərəncam - 1.9 milyon manat ayrıldı 19 Aprel 2019, 16:34