SOCAR "Petkim Petrokimya Holding A.Ş."-nin sabiq baş icraçı direktoru Saadettin Korkutun həbs olunması və bir neçə işçisinin vəzifədən uzaqlaşdırlmasının səbəblərini açıqlayıb.
Bu barədə Modern.az-a SOCAR-ın mətbuat xidmətindən məlumat verilib.
Məlumata görə, Saadettin Korkut həbs olunaraq işdən çıxarılmasına və bir neçə vəzifəli şəxsin işdən kənarlaşdırılmasına əsas səbəb onlardan qabaq işdən çıxarılan bir yüksək vəzifəli şəxsin şikayəti olub.
Xatırladaq ki, "Petkim Petrokimya Holding A. Ş." neft-kimya kompleksinin baş direktoru Saadettin Korkut dünən saxlanılıb.
Korkut həbsdən öncə holdinq rəhbəri tutduğu vəzifədən istefa verib.
Holdinqdə onunla əlaqəsi olan digər müəssisələrin də rəhbərliyində təmsil olunan bir neçə şəxsin işindən uzaqlaşdırıldığı iddia olunur.
Ümumilikdə, faktla bağlı 200-dən çox şəxs işdən uzaqlaşdırılıb. Onların arasında "SOCAR Turkey Energy" şirkətinin ictimaiyyətlə əlaqələr üzrə bölmənin rəhbəri Ömər Adsız, STAR zavodunun insan resursları üzrə direktoru Fuat Ulagay və onun "SOCAR Turkey Energy"dən olan həmkarı İlqar Mehmetoğlu, "SOCAR Turkey Energy"nin elmi tədqiqat üzrə direktoru Çetin Korkut da istefa verib.
Onların işdən uzaqlaşdırılmasına səbəb Fətullag Gülənin təşkilatı ilə əlaqələrinin olmasıdır.
Ağa AKİFOĞLU