21 aprel 2018, Şənbə
Ana Səhifə - ÖLKƏ - Son 10 ildə yaranan PARTİYALAR,  yaxud bətndə ölənlər...
Son 10 ildə yaranan PARTİYALAR,  yaxud bətndə ölənlər...
28.12.2016, 13:01

Son 10 ilin müəyyən zaman kəsimində Azərbaycanda siyasi partiyalar gah aktiv, gah da passiv oldular. Heç şübhəsiz ki, mövcud siyasi durumda Azərbaycandakı müxalif partiyaların hər hansı aktivlik nümayiş etdirməsini gözləmək sadəlövhlük olardı.


Ona görə yox ki, onların təkcə maliyyə vəziyyəti yaxşı deyil. Həm də ona görə ki, həmin partiyaların siyasi gücü, sosial dayaqları da artıq özünün son akkordlarını vurmaqdadır.


Bu da həmin siyasi qurumları ölkə miqyaslı seçkilərin bütün növündə iştirak etməməyə vadar edir – bu isə onsuz da laxlamaqda olan sütunları bir az da silkələyir.


Ancaq etiraf edək ki, bu dalğa içərisində hələ də tam boğulmayan, mövcudluğunu qoruyub saxlayan və aktual məsələlərlə bağlı mövqelərini açıqlayan partiyalar da var.


Belə bir məqamda isə hələ də ümid işartıları sönməyən siyasətçilər partiya yaratmağa can atdılar. Söhbət son 10 ildən gedir. Şübhəsiz ki, onların gələcəyə böyük ümidləri potensiallarına uyğun olmayan  iddiaları ilə heç cür üst-üstə düşə bilmirdi.


Buna görə də son 10 ildə yaranan partiyaların cəmiyyətə böyük hədiyyə bəxş edəcəyi, siyasi həyata kolorit qatacağı gözlənilən deyildi.


Misal üçün, 2008-ci ilin sentyabrında elan olunan, dekabrından təsis qurultayını keçirən, 2009-cu ilin noyabr ayında dövlət qeydiyyatına alınan Aydınlar Partiyasının uğurları demək olar ki, yox səviyyəsindədir. Təbii ki, partiyanın sədri, hörmətli Qulamhüseyn Əlibəyli heç də belə düşünmür. Onun müsahibəsində dediyi fikirlərə diqqət edək:

 

“Aydınlar Partiyası indi də kifayət qədər güclü partiyadır. Bizim partiyanın vəziyyəti digərlərinə nisbətən pis də deyil. Amma lap yaxşı olduğunu da demək olmaz”.

 

Başa düşmək olar ki, Qulamhüseyn müəllim, siyasətçi kimi özlərinin zəif olduğunu etiraf etmək istəmir. Lakin yenidən sual etsək, partiyasının zəifliyinin ekvivalentliyini (“zəif” sözünü dilinə gətirmir) ümumi siyasi vəziyyətlə əlaqələndirəcək.


Digər belə siyasi partiya isə Açıq Cəmiyyət Partiyasıdır (ACP).  ACP 2007-ci ildə təsis edilsə də, hələ də dövlət qeydiyyatına alınmayıb. Azərbaycan parlamentinin eks-spikeri, hazırda ABŞ-da mühacirətdə yaşayan Rəsul Quliyevin 2013-cü il prezident seçkisindən sonra ACP liderliyindən istefa verməsi onsuz da zəif olan təşkilatı çıxılmaz duruma saldı. Üstəgəl, bunun ardınca Sülhhədin Əkbərin də ACP sədrliyindən getməsi bu partiyanın heç gülməyən üzünü bir az da qara elədi. Yəni, hazırda ACP yox vəziyyətdədir.

 

Maraqlısı isə odur ki, Sülhəddin Əkbər bundan sonra Azad Demokratlar Partiyası (AzDP) adlı təşkilat yaratdı. 2014-cü ilin iyul ayında bu partiyanın təsis qurultayı keçirildi. Lakin AzDP bu günə qədər dövlət qeydiyyatına alınmayıb. AzDP-ni də uğursuz təşkilat siyahısına aid etmək olar. Çünki, hazırda qurumun güclü siyasi fəaliyyəti, sosial bazası nəzərə çarpmır.

 

Siyasətçi Razi Nurullayev isə Əli Kərimlinin qərarı ilə Azərbaycan Xalq Cəbhəsi Partiyasının (AXCP) sədrinin müavini vəzifəsindən çıxarıldıqdan sonra eyni adlı partiya yaratdığını və onun sədri olduğunu bəyan etdi. Üstündən 2 ilə yaxın bir vaxt keçməsinə baxmayaraq nə Ədliyyə Nazirliyi Razi Nurullayevə “hə” deyir, nə də partiya güclü şəkildə təşkilatlana bilir.

Təbii ki, Razi bəy ənənəvi siyasi ritorika ilə çıxış edərək, AXCP adına iddia edən partiyasının  düşünüldüyü kimi zəif olmadığı qənaətindədir. Razi Nurullayevin bununla bağlı mətbuata verdiyi müsahibələrə diqqət etmək kifayətdir.

 

Müsavat Partiyasının 2015-ci ilin 27 sentyabrından keçirilən qurultayından bir müddət sonra partiyadan gedən Tural Abbaslı “Ağ blok” adlı təşkilat yaratdı. Ardınca isə bu təşkilat partiyaya çevrildi. Ad isə daha cəlbedici səslənir: Ağ Partiya. Lakin bu partiya da dövlət qeydiyyatına düşməyib. Bir sözlə Tural Abbaslı Ağ Partiya ilə öləzimiş müxalif cameəni ağ günə çıxara bilmədi. Daha bir fiasko...

 

REAL hərəkatı isə yuxarıda adları çəkilən təşkilatlardan qat-qat güclü hesab edilə bilər. Ən azından ona görə ki, REAL özü ilə Azərbaycan cəmiyyətinə  yeni bir dalğa gətirə bildi və istəyinə qismən nail oldu. Üstəgəl, REAL-a toplaşan simaların daha intellektual və savadlı olmaları diqqətdən də yayına bilməz. Bəlkə də buna görədir ki, qısa zaman kəsiyində REAL o biri siyasi təşkilatlara nisbətən sıralarına daha çox insan cəlb etdi. Buna baxmayaraq, REAL-ı da alternativ güc hesab etmək olmaz. Bunun üçün bir neçə səbəb var:

 

1) REAL-da nə qədər intellektual insanlar təmsil olunsa da, bu təşkilat özünə güclü sosial baza yığa bilməyib. Elektoratı zəifdir, yəni cəmiyyətdə AXCP, Müsavat Partiyasını dəstəkləyənlər REAL-ın tərəfdarlarından qat-qat çoxdur.

 

2) REAL kütlə şüuruna işləmir. Bəlkə də bu, daha yaxşıdır, amma tərəfdar toplamaq üçün cəmiyyətin bütün təbəqədən olan

insanlarını siyasi ritorikaya bədii, estetik şirinlik qatmaqla cəlb etmək lazımdır. REAL isə daha çox analizlərlə, dərin məzmunlu siyasi-iqtisadi mövzularla çıxış etdiyindən, bu, yalnız müəyyən qisim üçün bənzərsizdir.

 

3) REAL aktiv siyasi proseslərdə iştirakdan boyun qaçırır – məsələn, Milli Şura yarananda REAL bu qurumun üzvü olmaqdan imtina etdi. Bəlkə də ağıllı addım idi, çünki Milli Şura özü də ard-arda məğlubiyyətlərə düçar oldu. Lakin REAL Milli Şuraya qoşulmasa da, yenə də bu  ona divident gətirmədi.

 

Hazırda isə REAL partiyaya çevrilmək istiqamətində iş aparır. Lakin REAL-ın sədri İlqar Məmmədovun həbsdə olması bu prosesi ləngidir. Hər halda REAL rəsmilərinin dilindən çıxan sözlər belə deməyə əsas verir.


Ümumilikdə Azərbaycanda son ildə yaranan təşkilatların hansınınsa parlaq müvəffəqiyyətə imza atdığını demək mümkün deyil.

 

Aqşin KƏRİMOV

 

 

 

 


xeber, parlament, ölkə, qarabağ, müsahibə, müəlliflər, təhsil, iqtisadiyyat, reportaj, gündəm, mədəniyyət, dünya, media, ədəbiyyat, fotosöhbət, Azərbaycan, xəbərlər, Russia, Turkey, Azerbaijan, Bakı, Baku

Şərh yaz

Bu kateqoriyadan olan xəbərlər
SON XƏBƏR
Qarlı dərəyə düşmüş avtomobildəki 6 nəfər xilas edilib
21.04.2018, 22:43

Qarlı dərəyə düşmüş avtomobildəki 6 nəfər xilas edilib

Vəzifəsiz qalan Abid Şərifov danışdı: "Sədaqətlə xidmət edəcəm"
21.04.2018, 22:10

Vəzifəsiz qalan Abid Şərifov danışdı: "Sədaqətlə xidmət edəcəm"

Bakı-Moskva reysi ilə uçan təyyarə məcburi eniş etdi
21.04.2018, 21:58

Bakı-Moskva reysi ilə uçan təyyarə məcburi eniş etdi

Ermənistan prezidenti müxalifət lideri ilə görüşüb
21.04.2018, 21:50

Ermənistan prezidenti müxalifət lideri ilə görüşüb

Yeni Baş nazirin hökuməti - Təyinat olan və olmayan bütün VƏZİFƏLƏR
21.04.2018, 21:41

Yeni Baş nazirin hökuməti - Təyinat olan və olmayan bütün VƏZİFƏLƏR

Moskvada güclü qasırğa -  2  ölü, 17  yaralı
21.04.2018, 21:23

Moskvada güclü qasırğa -  2  ölü, 17  yaralı

Şimali Koreya bu gündən bütün nüvə sınaqlarını dayandırır
21.04.2018, 21:17

Şimali Koreya bu gündən bütün nüvə sınaqlarını dayandırır

Xərçəngin diaqnostikası üçün xüsusi mikroskopu hazırlandı
21.04.2018, 21:03

Xərçəngin diaqnostikası üçün xüsusi mikroskopu hazırlandı

Deputatların sayı azaldı - SƏBƏBLƏR
21.04.2018, 20:42

Deputatların sayı azaldı - SƏBƏBLƏR

Gənc nazirin uğurlu karyera yolu - DOSYE 
21.04.2018, 20:31

Gənc nazirin uğurlu karyera yolu - DOSYE 

Yeni nazirin 38 yaşı var - Bioqrafiya
21.04.2018, 20:18

Yeni nazirin 38 yaşı var - Bioqrafiya

Dmitri Medvedev yeni Baş nazir Novruz Məmmədovu təbrik etdi
21.04.2018, 20:07

Dmitri Medvedev yeni Baş nazir Novruz Məmmədovu təbrik etdi

Hacıbala Abutalıbov, İnam Kərimov və Samir Nuriyev vəzifəsindən azad EDİLDİ - SƏRƏNCAM
21.04.2018, 19:39

Hacıbala Abutalıbov, İnam Kərimov və Samir Nuriyev vəzifəsindən azad EDİLDİ - SƏRƏNCAM

Novruz Məmmədov şöbə müdiri vəzifəsindən azad olunub
21.04.2018, 18:50

Novruz Məmmədov şöbə müdiri vəzifəsindən azad olunub

Abutalıbov baş nazirin müavini oldu
21.04.2018, 18:10

Abutalıbov baş nazirin müavini oldu

Bəzi nazirlik və komitələrə rəhbər təyin olunmadı - ADLAR
21.04.2018, 17:55

Bəzi nazirlik və komitələrə rəhbər təyin olunmadı - ADLAR

Bu məmurlar vəzifəsini itirdi – Səlim Müslümov, Heydər Əsədov, Abid Şərifov, Əli Həsənov, Elçin Əfəndiyev, İsmət Abbasov...
21.04.2018, 17:44

Bu məmurlar vəzifəsini itirdi – Səlim Müslümov, Heydər Əsədov, Abid Şərifov, Əli Həsənov, Elçin Əfəndiyev, İsmət Abbasov...

Deputat “Dövlətqaçqınkom”un sədri oldu
21.04.2018, 17:36

Deputat “Dövlətqaçqınkom”un sədri oldu

İlham Əliyev sərəncam imzaladı – Nazirlər Kabinetinin yeni TƏRKİBİ – SİYAHI
21.04.2018, 17:29

İlham Əliyev sərəncam imzaladı – Nazirlər Kabinetinin yeni TƏRKİBİ – SİYAHI

Bu hallarda siyasi partiyalar bağlanacaq – qanuna DƏYİŞİKLİK
21.04.2018, 17:21

Bu hallarda siyasi partiyalar bağlanacaq – qanuna DƏYİŞİKLİK

Bakı məktəbliləri üçün robototexnika təlimləri başladı
21.04.2018, 17:18

Bakı məktəbliləri üçün robototexnika təlimləri başladı

İsmayıllıda paltaryuyan maşında narkotik gizlədən tutuldu
21.04.2018, 17:00

İsmayıllıda paltaryuyan maşında narkotik gizlədən tutuldu

Türkiyədə ağır yol qəzası – 18 nəfər yaralandı
21.04.2018, 16:30

Türkiyədə ağır yol qəzası – 18 nəfər yaralandı

Məhkəmə ANS-lə bağlı qərarını açıqladı
21.04.2018, 16:27

Məhkəmə ANS-lə bağlı qərarını açıqladı

Yerevanda terror hücumlarının qarşısı alındı
21.04.2018, 16:25

Yerevanda terror hücumlarının qarşısı alındı

Qəhrəman atanın qəhrəman oğlu
21.04.2018, 16:06

Qəhrəman atanın qəhrəman oğlu

Müstəqil Azərbaycanın baş nazirləri – SİYAHI
21.04.2018, 15:57

Müstəqil Azərbaycanın baş nazirləri – SİYAHI

Sarkisyan etirazçıların liderini danışıqlara çağırdı
21.04.2018, 15:52

Sarkisyan etirazçıların liderini danışıqlara çağırdı

Zahid Orucun hakimiyyətlə əlaqələri HAQDA: “Ona etibar var” 
21.04.2018, 15:42

Zahid Orucun hakimiyyətlə əlaqələri HAQDA: “Ona etibar var” 

Prezidentdən SƏRƏNCAM - Yeni baş nazir təyin edildi
21.04.2018, 15:06

Prezidentdən SƏRƏNCAM - Yeni baş nazir təyin edildi

ABŞ-da təhsil almaq istəyənlər üçün Bakıda sərgi təşkil olundu  
21.04.2018, 14:55

ABŞ-da təhsil almaq istəyənlər üçün Bakıda sərgi təşkil olundu  

Şamaxıda yeni istifadəyə verilən 3 avtomobil yolu dağıldı
21.04.2018, 14:47

Şamaxıda yeni istifadəyə verilən 3 avtomobil yolu dağıldı

Yeni baş nazirin elmi və pedaqoji fəaliyyəti – Doqquzlar üçün dərslik,  geosiyasətə aid kitab...
21.04.2018, 14:20

Yeni baş nazirin elmi və pedaqoji fəaliyyəti – Doqquzlar üçün dərslik,  geosiyasətə aid kitab...

Bakıda xuliqanlıq: Naməlum şəxs binanı oda verdi - FOTOLAR
21.04.2018, 14:18

Bakıda xuliqanlıq: Naməlum şəxs binanı oda verdi - FOTOLAR

Novruz Məmmədov filmdəki rolu ilə cəmiyyətə hansı mesajlar verib? – MARAQLI
21.04.2018, 14:16

Novruz Məmmədov filmdəki rolu ilə cəmiyyətə hansı mesajlar verib? – MARAQLI

ARXİV
SORĞU
Ali məktəblərə qəbul imtahanlarının qiymətlərinə necə baxırsınız?
İmtahan qiymətləri çox yüksəkdir(10.6%)
İmtahan qiymətləri normalıdr(6.38%)
İmtahan qiymətləri aşağıdır(0%)
Qiymətlər ləğv edilməli, imtahanlar pulsuz olmalıdır(72.3%)
İmtahan qiymətləri azaldılmalıdır(2.12%)
İmtahan qiymətləri artırılmalıdır(8.51%)