ABŞ dövlət katibi Hillari Klinton yenidən azərbaycanlı zabit Ramil Səfərovun ekstradisiyası ilə bağlı məsələyə münasibət bildirib. Modern.az-ın xarici mətbuata istinadən verdiyi məlumata görə, Ağ ev rəsmisi Macarıstanın xarici işlər naziri Yanoş Martoni ilə görüşündə bu haqda danışıb. Xanım Klinton azərbaycanlı zabitin azadlığı buraxılmasından təəssüf hissi yaşadığını bildirib. ABŞ rəsmisinin fikrincə, “Ramil Səfərovun azadlığıa buraxılması Dağlıq Qarabağ münaqişəsinin həllinə zərbə vurdu”.
Qeyd edək ki, azərbaycanlı zabit Ramil Səfərov 8 illik həbsdən sonra Macarıstandan ekstradisiya olunaraq prezident İlham Əliyevin sərəncamı ilə azadlığı buraxılıb.
A.RÜSTƏMOV
