12Noyabr | Ana Səhifə - Yazılar - Sahibsiz və çarəsiz itlərin gecə söhbəti
Sahibsiz və çarəsiz itlərin gecə söhbəti

Akif CABBARLI

 

(pritça)

 

Hündür yaşayış binasının on altıncı mərtəbəsinin küçəyə açılan pəncərəsindən boylanan orta yaşlı, boylu-buxunlu kişinin qəzəbli çığırtısı bayaqdan bəri aramsız ulayan köpəyin səsini anındaca kəsdi.

 

Ay it, qanacağın olsun da, qoymazsan bir çimir alaq, yuxumuzu yataq, öldük axı əsəblikdən. Allah sənə bir insaf versin, nooolar axı...

 

Ala köpək bulanıq gözləri ilə yuxarıları seyr elədi, açıq pəncərədən baxan idmançı görkəmli kişini gördü və başını aramla aşağı-yuxarı yellədi. Yəni ki, “anladım, ağsaqqal, daha hürmərəm” – məntiqli bir jest elədi.

 

Pəncərə örtüldü və Ala köpək sədaqətli Boz Qancığını yanına çağırdı.

 

Görürsən də, məndən qanacaq umurlar. Daha bilmirlər ki, qanacağım  mərfətim olsaydı indi hansısa oliqarxın bağında şellənirdim. Qanacaq deyəndə ki, arvad, gərək felin-fəndin olsun, quyruq bulamağı bacarasan. İndi bacarmamışam da, vurun öldürün məni. Fərsiz olmuşam ki, indi Yeni Yasamalın tozlu-torpaqlı, zığlı-palçıqlı küçələrində səninlə bir yerdə aşağı-yuxarı sülənirik ki, görən hansı pəncərədən sür-sümük atacaqlar, iylənmiş kolbasa tolamazlayacaqlar ki, biz də ac qalmayaq. Bu Dadaş Bünyadzadə- 15-də yaşayan sakinlər var ey, qəribə adamlardır. Yayda əllərindəki ağac parçasını, qışda da zontiklərini az qala gözümüzə soxurlar. Soruşan lazımdır ki, balam sizə nə eləmişik. Yayda maşınların altında xudmani kölgələnirik, soyuq havalarda isə başımızı soxmağa isti yer də tapmırıq. Ac-yalavac itlərlə nə əkmisiniz ki, biçə bilimirsiniz.

 

İnsanlar heç vaxt yaddan çıxarmamalıdır ki, Yaradanın sevimli məxluquyuq ki, bizə adamların lap süfrəsinin qırağında, evinin qənşərində görünmək, şöngümək, bir tikə çörəkdən, ətdən-kolbasadan dadmaq icazəsi, şansı verilib uca göylərdən. Başqa hansı heyvanı, həşəratı insan evinə, həyətinə buraxar? Heç birini. Bizik, bir də pişiklər. Atlar da ki, öz yerində. Sədaqətən, etibardan söz düşəndə atlarla biz itlərin adı həmişə birinci çəkilir. Adamları hər cür təhlükədən, lap ayıdan, canavardan da qoruyuruq. Qışın şaxtasında, yayın qızmarında qulluqlarındayıq.  Eşitdiyimə görə  Allah çörəyi də birinci biz itlərə göndərib. Düzdür, bizim içərimizdə də naşükürləri, xəyanətkarları, oğruları tapmaq olar. Amma bütövlükdə itlər insanların yaxın dostu olub və bu hal yəqin  ki, heç vaxt aradan götürülməz.

 

Boz Qancıq sevgilisinin sözlərini təstiqləmək üçün iri başını xeyli yellədi.

 

Düzdür əzizim, qohum-əqrabamızdan bəziləri xod tapıb qəssabxanaların, kababxanaların yan-yürəsində girələnirlər. Tanış-biliş də var ki, bağları, obyektləri, tikinti sahələrini qoruyur. Lap yekə gedənlərimiz də narkotik axtarır, kəşfiyyata çıxırlar. Şimaldakı soydaşlarımızı lap xizəyə, arabaya da qoşullar. Eşitidyimə görə bizim cinsdən olanlar Avropa şəhərlərində tam sərbəst gəzib-dolaşırlar. Ara-sıra onları iynələyirlər ki, xəstəliyə tutulmasınlar. Bizdə isə Allah göstərməsin, birinə lap xoş niyyətlə dişini ağartsan daş götürüb başını yaracaq, ayaqlarını qıracaq. Hələ bir hansısa idarəyə zəng edib tələb edəcək ki, gəlib güllədən keçirisinlər. Soruşan lazımdır ki, sizə nə pisliyimiz keçib. Yemək vermirsiniz , imkan verin özümüz aşıb-daşan zibil qutularından görək axtarıb nə tapırıq da...

 

Ala köpək pəncəsini qaldırıb diqqətlə onlara qulaq asan balalarının çirkli başlarını bircə-bircə sığallayıb köksünü ötürdü.

 

Bu küçükləri böyütmək üçün nə qədər əziyyət çəkirik, tənələri, tənbehləri qəbul edirik. İndi gecədir, bekarçılıqdır, bir ağız çaşıb hürdüm də,  nə olsun. Bu adamlar hələ haqqımızda lətifələr də düzəldirlər. Deyir ki, itdən soruşullar, ay it niyə hürürsən? Cavab verir ki, qorxuzuram. Bəs niyə quyruğunu bulayırsan sualına da guya itin cavabı bu olur ki, həm də qorxuram axı... Bəli, qorxuruq. Vururlar, şikəst edirlər, üstümüzdən maşın da keçirillər. Hələ bir zağlı məsəllər də düzəldirlər – itlə dostluq elə, çomağı yerə qoyma. Amma əksinə deyilmiş bir söz də var – it insanın sadiq dostudur. İndi hansına inanaq, bir qəti fikriniz olsun da... Görün hələ nə deyirlər – it itin ayağını basmaz, flankəs it günündədir . Bəli basmarıq, özümüz özümüzü qorumasaq bizi kim qoruyacaq bəs. Sizsiniz bir – birinizi tapdalayan, sürüyən, canını alan, biz yox.  Sonra, elə gəzin-dolanın ki, it gününə düşməyin də. Ağlınız – başınız var, bizim kimi çöl quşu, səhra daşı deyilsiniz ki... Savadınız, işiniz, pulunuz-paranız, soyuducuda ətiniz-yağınız...

 

Boz Qancıq “ət” sözünü eşitcək ayağa qalxıb yaxşıca gərnəşdi, sonra silkələndi.

Deyirəm görəsən bir də möhkəmnən hürsək on altıncı mərtəbədəki kişi bizə sür-sümük atmaz ki? Atanda nə olar ey, onsuz da mənzillərdən hər gün atılan əşyaların, çəkicin-mişarın, ərzaq qırıntısının sayı-hesabı yoxdur. Biri də olsun bizə atılan sür-sümük. Allahı çağırıb bir ağız da ulamaq keçir axı könlümdən...

Manat və dolların məzənnəsi  dəyişmədi 18 İyun 2019, 08:35 Bu gün AvroLiqanın püşkü atılacaq 18 İyun 2019, 08:27 Azərbaycan idmançıları II Avropa oyunlarına getdilər 18 İyun 2019, 08:21 Gürcüstan daha bir axtarışda olanı Azərbaycana təhvil verir 18 İyun 2019, 00:41 Leyla Əliyeva BMT səfiri ilə Xəzərlə bağlı müzakirə apardı 18 İyun 2019, 00:18 Sumqayıtda toyda kütləvi dava 17 İyun 2019, 23:59 Leyla Əliyeva nərə balıqlarının Xəzərə buraxılmasını izlədi - FOTO 17 İyun 2019, 23:43 Masallıda  “Mercedes” elektrik dirəyinə çırpıldı 17 İyun 2019, 23:27 Leyla Əliyeva ÜTT ilə Anlaşma Memorandumu imzaladı - FOTO 17 İyun 2019, 23:10 Binəli Yıldırım qəzaya düşənə belə yardım etdi - VİDEO 17 İyun 2019, 22:54 Gəncədə ruhi xəstə yaşadığı evi yandırdı 17 İyun 2019, 22:41 Qaradağdakı ağır qəzada 3 nəfər öldü - YENİLƏNİB 17 İyun 2019, 22:20 “Ermənistan rəhbərliyinin məntiqini anlamaq çətindir” - Leyla Abdullayeva 17 İyun 2019, 22:08 Goranboyda Səhiyyə işçilərinin peşə bayramı qeyd olundu - FOTO 17 İyun 2019, 21:43 Elçibəyin ailəsi adından Mehriban Əliyevaya təşəkkür 17 İyun 2019, 21:22 “Mercedes” beton maneəyə çırpıldı: 1 ölü 17 İyun 2019, 21:13 “Qarabağ” ikinci qrupda yer aldı 17 İyun 2019, 20:56 TÜRKPA-nın verəcəyi töhfələr hələ qabaqdadır – Deputat yazır 17 İyun 2019, 20:37 “Zeko” kanalizasiyadan oğurluq etdi 17 İyun 2019, 20:18 Sabiq prezident məhkəmə zalında öldü 17 İyun 2019, 20:02 Qarabağda partizan müharibəsi?.. - Keçmiş döyüşçü başqa variant təklif etdi 17 İyun 2019, 17:55 “Elçibəy mənə baş nazir vəzifəsini təklif etdi” - Etibar Məmmədov 17 İyun 2019, 17:28 Rektordan iş axtaran gənclərə məsləhət: “Mütləq “adamın” olması vacib deyil” 17 İyun 2019, 17:23 Sumqayıtda aptekdən oğurluq edən şəxs “iş başında” yaxalandı 17 İyun 2019, 17:18 Gürcüstan Prezidentinin sarayı qarşısında “kartof aksiyası” keçirildi 17 İyun 2019, 17:02 Xırdalanda hündürlükdən yıxılan 32 yaşlı kişi ölüb 17 İyun 2019, 16:46 Ağdamda 120 kiloqram yararsız ət aşkarlanıb - FOTO 17 İyun 2019, 16:32 Ermənilər Ağdama 10 min nəfərlik qoşun topladılar - VİDEO 17 İyun 2019, 16:16 CAR-da avtobus qəza törətdi - 24 ölü 17 İyun 2019, 16:03 Azərbaycan neftinin bir bareli 64,21 dollara satılır 17 İyun 2019, 15:48 Abşeronda “Mercedes” betona çırpılıb - Sürücü ölüb 17 İyun 2019, 15:37 Böyüdü, atasının və əmisinin qisasını “Kalaşnikov”la aldı... 17 İyun 2019, 15:20 İlkin Xəlilov: “ATV-də işimə davam edirəm, bu, 3 aymı çəkəcək, 6 aymı, bilmirəm...” 17 İyun 2019, 15:19 NATO-nun şərq cinahındakı ABŞ qoşunları Polşadan idarə olunacaq 17 İyun 2019, 15:08 Azərbaycanda QAN DAVALARI - Fəxrəddinin müsibəti sonuncu deyilmiş… 17 İyun 2019, 15:07