Modern.az

Avropa Şurası KİV-in İnkişafına Dövlət Dəstəyi Fondu ilə biğə layihələr həyata keçirə bilər

Avropa Şurası KİV-in İnkişafına Dövlət Dəstəyi Fondu ilə biğə layihələr həyata keçirə bilər

15 Sentyabr 2009, 19:38

Bu gün Avropa Şurasının Baş katibinin xüsusi nümayəndəsi Veronika Kotek Azərbaycan Respublikasının Prezidenti yanında KİV-in İnkişafına Dövlət Dəstəyi Fondunda olub. Fonddan Modern.az-a verilən məlumata görə, V.Kotekin istəyi ilə reallaşan görüşdə o, KİV-in İnkişafına Dövlət Dəstəyi Fondunun yaranması məqsədi və fəaliyyəti ilə maraqlanıb. KİV-in İnkişafına Dövlət Dəstəyi Fondunun icraçı direktoru Vüqar Səfərli Fondun yaranmasından, fəaliyyətindən danışaraq qonağı maraqlandıran suallara cavab verib: “1 iyul 2009-cu il tarixdə elan edilmiş müsabiqədə iştirak etmək üçün 112 layihə təklifi təqdim olunmuşdu. Təqdim olunan sənədlərin ilkin araşdırılması zamanı məlum olmuşdur ki, onlardan 25-i lazım olan sənədləri təqdim etməmiş və ya lazımi qaydada tərtib etməyib. Ekspertlərə qiymətləndirmə üçün 87 layihə təqdim edilibb. Qiymətləndirmədə 12 ekspert iştirak edib və onlar media və layihələrlə iş sahəsində təcrübəsi olan, respublikada tanınan mütəxəssislərdir. Təqdim olunan 55 layihə müsabiqənin qalibi olub. Onlardan 30-u qəzet, 13-ü informasiya agentlikləri, 6-ı jurnalist təşkilatları və  6-ı digər əlaqəli təşkilatlar kateqoriyasına aiddir". Sonra fondun Müşahidə şurasının sədri Umud Rəhimoğlu Azərbaycanda söz və mətbuat azadlığı haqqında danışıb: “KİV-in İnkişafına Dövlət Dəstəyi Fondu bu yaxınlarda ilk layihə müsabiqəsinin nəticələrini müəyyənləşdirərək onu cəmiyyətə elan etdi. Bütövlükdə bu prosesi müsbət qiymətləndirmək olar. Sözsüz ki, iş olan yerdə müəyyən nöqsanlar, narazılar da olur. Nəticədən narazı qalanların şikayətinə Apellyasiya komissiyasında baxıldı və şikayətçilərə layihələrin qüsurları və çatışmazlıqları izah olundu. Çalışacağıq ki, növbəti mərhələdə Fondun işini daha yaxşı quraq". V.Kotek Avropa Şurasının Fondla birgə layihələr həyata keçirilməsinin mümkünlüyünü bildirib.

 

Facebook
Dəqiq xəbəri bizdən alın!
Keçid et
Rusiyada ağır döyüşlər: Ukrayna partizanları əraziləri bombalayır