Rumıniya prezidenti Nikolae Çauşeskunu tribunala çıxaran istefada olan general Viktor Stankulesku dünyasını dəyişib. Modern.az xarici mediaya istinadən bildirir ki, yaxınlarda insult keçirən general 88 yaşında qocalar evində ölüb.
1989-cu ildə Rumıniyada kommunist rejiminə qarşı etiraz aksiyaları başlayıb. Çauşesku o vaxt müdafiə naziri vəzifəsini icra edən Stankuleskuya Timişoare şəhərində etiraz edənləri zərərsizləşdirməyi əmr edir. General nümayişçilərə atəş açmaqdan imtina edir.
Sonradan həmin generalın əmri ilə hərbi tribunal baş turur, Nikolae Çauşesku və onun arvadı Yelena güllələnirlər.
Modern.az
