“Türkiyə xalqı ABŞ-ı dostu və müttəfiqi hesab etmir. Bu, Vaşinqtonun PYD və YPG terrorçularına münasibəti ilə bağlıdır”. Modern.az Türkiyə mediasına istinadən xəbər verir ki, bunu Türkiyənin xarici işlər naziri Mövlud Çavuşoğlu bildirib.
Mövlud Çavuşoğlu qeyd edib ki, Afrində əməliyyatlar başladığı gündən Türkiyə ABŞ-la səmimi olub: “Amma Ağ Ev administrasiyası əvvəllər olduğu kimi Türkiyə ilə münasibətdə öz vədinə sadiq qalmayıb. ABŞ Türkiyənin tələblərini yerinə yetirməli, Suriyada PYD və YPG terrorçularına dəstəyi dayandırmalıdır. ABŞ Türkiyənin maraqlarına hörmət etməlidir”.
