“Korrupsiyaya qarşı Mübarizə İdarəsi birbaşa ölkə prezidentinə tabe olsun. Çünki Baş Prokurorluğun özündə də zaman-zaman korrupsiya olub. Heç kim deyə bilməz ki, nə zamansa Baş Prokurorluqda korrupsiya faktı olmayacaq”.
Modern.az-ın xəbərinə görə, bu sözləri bu gün Milli Məclisin iclasında deputat Fərəc Quliyev “Korrupsiyaya qarşı mübarizə haqqında” qanuna edilən dəyişiklərin müzakirəsi zamanı deyib.
O bildirib ki, Azərbaycanda korrupsiya və şantaja görə həbs olunan prokurorlar olub: “Bilirik ki, hətta Azərbaycanda şantaja görə həbs olunan və cinayət məsuliyyətinə cəlb olunan prokurolar olub. Bu baxımdan Korrupsiyaya qarşı Mübarizə İdarəsi birbaşa prezidentə tabe olsa daha effektli olar”.
Ağa AKİFOĞLU
