AFFA-nın martın 16-da təşkil olunacaq növbəti Hesabat Konfransı çərçivəsində baş tutacaq seçkidə İcraiyyə Komitəsinə vakant yerə namizəd olan 1 yer üçün namizəd müəyyənləşib.
Modern.az AFFA-nın rəsmi saytına istinadən verdiyi məlumata görə, bu, hazırda Azərbaycan Futzal Federasiyasının prezidenti vəzifəsində çalışan Zaur Axundovdur.
Onun namizədliyi Sahə Futbol Federasiyaları İctimai Birliyi tərəfindən irəli sürülüb.
Qeyd edək ki, nizamnaməyə əsasən, İcraiyyə Komitəsi üzvlüyünə namizəd AFFA-nın üzvü və ya dolayı üzvü tərəfindən Konfransın keçiriləcəyi tarixdən ən azı 15 gün əvvəl baş katibliyə təqdim olunmalıdır.
Modern.az
