Fransanın paytaxtında yenidən gərginlik yaşanır. Modern.az xarici mediaya istinadən xəbər verir ki, Parisdə "sarı jiletlilər"in növbəti etiraz aksiyası başlayıb.
Məlumata görə, aksiya həmkarlar təşkilatları ilə birgə keçirilir. Belə ki, həmkarlar təşkilatları ölkədə minimal əmək haqlarının 20 faiz artırılması, vergi islahatlarının keçirilməsi və digər tələblər irəli sürüblər. Aksiya zamanı iğtişaşlar da qeydə alınıb. Bir qrup anarxist bankların və mağazaların şüşələrini sındırıb.
