Qarabağ Dirçəliş Fondu "Praysvoterhauskupers Audit Azərbaycan" MMC ("PwC Azerbaijan") ilə kənar audit xidmətinin göstərilməsi üzrə müqavilə imzalayıb.
Modern.az xəbər verir ki, bu barədə Fonddan məlumat verilib.
Məlumata görə, sənədə qurumun İdarə Heyətinin sədri Rəhman Hacıyev və "PwC Azerbaijan"ın ölkə üzrə idarəedici Partnyoru Mövlan Paşayev imza atıb.
Müqaviləyə əsasən, Fondun Beynəlxalq Maliyyə Hesabatı Standartlarına (IFRS) uyğun hazırlanmış, 2021-ci il maliyyə hesabatlarının auditi həyata keçiriləcək.
