AMEA-nın N.Tusi adına Şamaxı Astrofizika Rəsədxanası Qafqaz Müsəlmanları İdarəsi ilə əməkdaşlıq çərçivəsində hicri-qəməri təqvimin təyin edilməsi məqsədilə Ayın Azərbaycan üfüqündə təzələnməsi vaxtını təqdim edir.
Rəsədxanadan Modern.az-a bildirilib ki, 29 iyun (qəməri təqvimlə Zilhiccə ayının 1-i) 2022-ci il tarixində Ay təzələnib və aydın səma şəraitində Ayın hilalı adi gözlə müşahidə edilib.
Ayın təzələnmə qrafikinə əsasən Qurban bayramı günü iyul ayının 9-na (Zilhiccə ayının 10-na) təsadüf edəcək.
