“Krımda dislokasiya olunmuş Rusiya hərbçiləri Ukrayna ərazisinə, paytaxt Kiyevə zərbə endirmək üçün İran istehsalı olan PUA-lardan istifadə ediblər”
Modern.az xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi bildirib.
“Bizdə olan məlumata əsasən, Krımda olan İran hərbçiləri əməliyyatda Rusiyaya kömək ediblər”, - deyə Kirbi vurğulayıb.
Onun sözlərinə görə, rəsmi Vaşinqon Rusiyanın İrandan müasir silah və raketlər ala biləcəyindən narahatdır.
Qeyd edək ki, İran Rusiyaya PUA verilməsi barədə xəbərləri təkzib edib.
