Ermənistanda baş tutacaq Konstitusiya dəyişikliyindən sonra parlamentdəki deputatların sayı 131-dən 75-ə qədər azaldıla bilər. Modern.az Ermənistan KİV-nə istinadən xəbər verir ki, bu haqda Respublika Partiyasının parlament fraksiyasının rəhbəri, partiyanın icra orqanının üzvü Vaqram Baqdasaryan bildirib. Jurnalist “söhbət deputat sayının 121-ə endirilməsindən gedirdi”, - deyə soruşanda parlamentdəki çoxluğun rəhbəri belə cavab verib: “121 rəqəmini birinci dəfə eşidirəm. İslahatı gözləyin, ola bilər ki, deputatların sayı 75-ə qədər azalsın”.
Baqdasaryanın sözlərinə görə, o, deputatların sayının azaldılmasının tərəfdarıdır: “Bu zaman yüksək professionallı parlament formalaşdırılacaq”.
Modern.az
