Sumqayıt şəhərində mebel mağazasında yanğın olub.
Bu barədə Modern.az-a Fövqəladə Hallar Nazirliyinin (FHN) Mətbuat Xidmətindən məlumat verilib.
Bildirilib ki, şəhər ərazisində ümumi sahəsi 1200 m² (hər mərtəbəsi 600 m²) olan ikimərtəbəli mebel mağazasının zirzəmisində, sahəsi 12 m² olan texniki otaqda quraşdırılan 10 ədəd elektrik açarı və 6 p.m kabel yanıb. Otağın qalan hissəsi və mağaza yanğından mühafizə olunub.
Yanğın yanğından mühafizə bölmələri tərəfindən söndürülüb.
