Թուրքիայում գործողություն է իրականացվել սոցիալական մեդիա հարթակներում անպարկեշտ բովանդակություն տարածող անձանց նկատմամբ։
Modern.az-ը հայտնում է, որ Անկարայում անցկացված հետաքննության շրջանակներում ձերբակալվել է 7 մարդ, այդ թվում՝ երգչուհի Թուղբա Էքինջին։
Հետաքննության ընթացքում ուսումնասիրվել են կասկածյալների սոցիալական մեդիայի հաշիվները։ Պարզվել է, որ նրանք անպարկեշտ բովանդակությամբ հրապարակումներ են արել և տարբեր հարթակներում հաշիվներ ստեղծելով՝ վճարովի անդամակցության համակարգի միջոցով տարածել են բացահայտ պատկերներ։
Դատարանի որոշմամբ նրանցից 4-ը կալանավորվել են։ Մեկ այլ կասկածյալի նկատմամբ ընտրվել է դատական հսկողության միջոց։ Ակնկալվում է, որ կասկածյալները Անկարայի ոստիկանության վարչության հանրային անվտանգության բաժնի կողոպուտի բյուրոյում ընթացակարգերի ավարտից հետո կուղարկվեն Քըզըլջահամամի գլխավոր դատախազություն։
