Աշխարհահռչակ ամերիկացի երգչուհի Քեթի Փերին սեպտեմբերի 25-ին համերգ կտա Բաքվում։
Modern.az-ը հայտնում է, որ փոփ աստղի ելույթը տեղի կունենա Ֆորմուլա 1-ի Ադրբեջանի Գրան պրիի 10-ամյակի շրջանակներում։
Քեթի Փերին Բաքու Քրիստալ Հոլում բեմ կբարձրանա ժամը 20:00-ին։ Համերգը կլինի Ֆորմուլա 1-ի մրցարշավային շաբաթվա զվարճանքի ծրագրի հիմնական իրադարձություններից մեկը։
Նշենք, որ Քեթի Փերին վերջին շրջանում համաշխարհային լրատվամիջոցների ուշադրության կենտրոնում է ոչ միայն իր երաժշտությամբ, այլև անձնական կյանքով։ 41-ամյա երգչուհին ներկայումս սիրավեպ ունի Կանադայի նախկին վարչապետ Ջասթին Թրյուդոյի հետ։ Զույգը հարաբերությունների մեջ է 2025 թվականից և վերջին ամիսներին միասին նկատվել է տարբեր միջոցառումների ժամանակ։
