Ադրբեջանի ֆուտբոլի Պրեմիեր լիգայի IV տուրի հերթական հանդիպումն է կայացել։
Modern.az-ը հայտնում է, որ "Նեֆթչին" իր դաշտում հյուրընկալել է "Շաֆա" թիմին։
Հանդիպումն ավարտվել է "սև-սպիտակների" 4:1 հաշվով հաղթանակով։ "Նեֆթչիի" կազմում դուբլի հեղինակ է դարձել Անդրեյ Շկրիբեկը, մյուս գոլերը խփել են Ռուֆաթ Աբբասովը և Բրենո Դե Ալմեյդա Մելլո Սանտանան։ Հյուրերի միակ գոլը խփել է Մուրադ Մուսաևը։
Այս հաղթանակով "Նեֆթչին" իր միավորները հասցրել է 9-ի և գլխավորել է մրցաշարային աղյուսակը։ Նույնքան միավոր ունեցող "Սաբահը" և "Զիրան" հաջորդ տեղերում են։
Նշենք, որ IV տուրի նախորդ խաղերում "Գաբալան" իր դաշտում 2:1 հաշվով հաղթել է "Իմիշլիին", "Շամախին" Գանձակում 4:1 հաշվով հաղթել է "Կապազին", իսկ "Սաբահը" 5:0 հաշվով հաղթել է "Զիրային"։
Տուրն ամփոփվելու է սեպտեմբերի 6-ին կայանալիք 2 խաղով։
