"Real" İspaniya La Liqasında 2023/2024 mövsümünün qalibi olub.
Modern.az xəbər verir ki, Madrid təmsilçisi doğma meydanda "Kadis" klubuna 3 cavabsız qolla qalib gəlib.
"Kral klubu" "Barselona"nın səfərdə "Jirona"ya uduzmasından (2:4) sonra qızıl medalları rəsmiləşdirib.
“Real” bununla 36-cı dəfə İspaniya çempionu olub.
Turnir cədvəlində birinci olan "Real"ın 87 xalı var. İkinci sırada "Jirona" (74 xal), üçüncü yerdə "Barselona" (73 xal) qərarlaşıb.
