İraqın şimalındakı kürd muxatariyyətinin müstəqilliklə bağlı referendum ideyası gerçəkləşir. Modern.az Türkiyə KİV-nə istinadən xəbər verir ki, muxtariyyət lideri Məsud Bərzaninin sentyabrın 25-nə təyin etdiyi müstəqillik referendumunun səsverməsinə artıq bu gündən başlanılıb.
Kürdüstan bölgəsi Ali Seçki və Referendum Şurasının rəsmi nümayəndəsi Karvan Cəlal bildirib ki, saat fərqi ilə əlaqədar sentyabrın 23-də Çindəki iraqlı kürdlər arasında elektron səsvermə başladılıb.

Türkiyə rəsmiləri isə bu olaydan hiddətləniblər.  Baş nazir Binali Yıldırm deyib ki, bütün dünyanın qarşı olduğu və qonşulardan heç birinin istəmədiyi bu referendumu başladanlar onun bədəlini ödəyəcəklər.