“Koronavirusa yoluxan Əməkdar artist Yaqub Zurufçunun vəziyyətində dünəndən pisləşmə müşahidə olunur”.

Bunu Modern.az-a “Yeni Klinika”nın reanimasiya şöbəsinin müdiri Emil Qasımov bildirib.

Onun sözlərinə görə, pisləşmə əsasən kəskin böyrək çatışmazlığı ilə bağlıdır:

“Bu məqsədlə ona hemodiyafiltrasiya dediyimiz fasiləsiz böyrək əvəzedici terapiya başlanıb”.

Qeyd edək ki, məşhur müğənni Yaqub Zurufçu bir həftə əvvəl COVID-19-a yoluxub. O, "Yeni Klinika"ya yerləşdirilib, vəziyyəti ağırlaşdığı üçün süni tənəffüs aparatına qoşulub.

Müğənninin müalicəsinə kömək məqsədilə xaricdən mütəxəssislər dəvət olunub.


Məsələ Birinci vitse-prezident Mehriban Əliyevanın nəzarətindədir.