Xəbər verdiyimiz kimi, bu gün Azərbaycan Basketbol Federasiyasında növbədənkənar hesabat-seçki konfransı keçirilib.
Gənclər və İdman Nazirliyindəki tədbirdə təhsil naziri Emin Əmrullayev Azərbaycan Basketbol Federasiyasının yeni prezidenti seçilib. O, bu vəzifədə Nadir Nəsibovu əvəzləyib.
Qeyd edək ki, Nadir Nəsibov 1999-cu ildən Azərbaycan Basketbol Federasiyasına rəhbərlik edirdi.
Nadir Nəsibov kimdir?
Modern,az-ın məlumatına görə, Nadir Nəsibov mərhum eks-prezident Heydər Əliyevin iqtidarında təmsil olunaraq yüksək post tutmuş sabiq məmurlardandır.
O, 1993-cü ildən 1999-cu ilin dekabrına kimi Dövlət Əmlak Komitəsinin sədri olub.
Nadir Nəsibov komitə sədirliyindən getdikdən sonra da Azərbaycan Basketbol Federasiyasının prezident postunda fəaliyyətini davam etdirib.
O, sonuncu dəfə 2019-cu ilin dekabrında Basketbol Federasiyasının prezidenti seçilmişdi.
A.Qorxmaz
