Türkiyədə xalq çevrilişin qarşısını alsa da, hələ ki qarşıdurmalar səngiməyib. Modern.az saytı Türkiyə mediasına istinadən xəbər verir ki, Ankara Polis İdarəsi iki hərbi təyyarə və bir helikopterin hücumuna məruz qalıb. Hadisə nəticəsində 17 polis həyatını itirib.
Bu arada İstanbulda da körü üzərində əsgərlə polis arasında atışma başlayıb. Hərbçilərin mülki əhaliyə atəş açdığı televiziya görüntülərində də görünür.
Yayılan başqa bir xəbərə görə, Türkiyə Böyük Millət Məclisinin binası bombalanıb.
Modern.az
