İndiyədək 9500 Azərbaycan vətəndaşı Ukraynadan qonşu ölkələrə təxliyə olunub.
Modern.az xəbər verir ki, bu barədə Azərbaycanın xarici işlər naziri Ceyhun Bayramov türkiyəli həmkarı Mövlud Çavuşoğlu ilə birlikdə keçirdiyi mətbuat konfransında deyib.
"Qonşu ölkələrlə qısa müddətdə razılaşmalar əldə olunub. Ən çox Moldovaya, Polşaya, Slovakiyaya keçid olub. Bu gün Polşaya çarter reysi nəzərdə tutulub. İlkin olaraq qadınlar, uşaqlar, tələbələr təxliyə olunub. Bu məsələlər ölkə başçısının nəzarətindədir. Əfsuslar olsun ki, orada hələk olanlar da var. Onların yaxınlarına başsağlığı veririk", - deyə XİN başçısı vurğulayıb.
