NATO-nun gəmiləri Baltik dənizinə daxil olub və qonşu müttəfiq ölkələrlə təlimlərdə iştirak edəcək.
Modern.az xəbər verir ki, bu barədə Estoniya mətbuatı məlumat yayıb.
Qrup beş gəmidən ibarətdir və ona Niderland Kral Donanmasının “De Zeven Provincien” freqatı rəhbərlik edir.
İlkin vəzifə Baltik dənizi regionunda müttəfiqlərin mövcudluğunu nümayiş etdirmək və Estoniya donanması ilə birgə təlimlər keçirməkdir.
Qeyd edək ki, Şimali Atlantika hərbi alyansı müqavilə öhdəliklərinə uyğun olaraq müdafiə qabiliyyətini qorumaq üçün Baltik dənizində mütəmadi olaraq dəniz qüvvələrini yerləşdirir.
