“Sabahdan məclislərimiz başlayır. Məclislər saat 21:15-də olacaq”.
Modern.az xəbər verir ki, bunu "BakuTV"yə Qafqaz Müsəlmanları İdarəsi (QMİ) sədrinin səlahiyyətli nümayəndəsi, din xadimi Hacı Şahin Həsənli Məhərrəm ayı ilə bağlı keçiriləcək məclislərdən danışarkən deyib.
O qeyd edib ki, məclislər axşam saatlarında keçirildiyi üçün səsgücləndiricilərin səsi çölə verilməyəcək:
“Həyətdə dayanmaq, sinə vurmaq qadağan deyil. Məclis canlı olaraq yayımlanacaq, qatıla bilməyənlər evlərindən izləyə bilərlər”.
