Bundan sonra Turkiyənin orta məktəblərində ermənilərin Azərbaycanda törətdikləri soyqırımın tarixi uşaqlara öyrədiləcək. Artıq prosesə start verilib. Bu barədə məlumat Türkiyə Qəzetçilər Federasiyasının Kayseri şəhərində keçirilən illik toplantısında verilib.
Sözügedən toplantının iştirakçısı Parlament Jurnalistləri Birliyinin sədri Elşad Eyvazlı Modern.az-a deyib ki, ermənilərin Azərbaycanda törətdikləri soyqırımın tarixinin uşaqlara öyrədilməsi üçün Türkiyənin Nide şəhər bələdiyyəsindən icazə alınıb. Digər bölgələrdə də Azərbaycan tarixinin bu faciəli mərhələsinin uşaqlara çatdırılması üçün işlər aparılır.
Modern.az
